主页 > X艺生活 >【半夜出车】Ikea 半夜扫货 Uber 送你返屋企(含攻略 >


【半夜出车】Ikea 半夜扫货 Uber 送你返屋企(含攻略

发表于2020-06-12

【半夜出车】Ikea 半夜扫货 Uber 送你返屋企(含攻略

Ikea 搞呢个「深宵疯狂购物夜」其实都真係玩起消费者,首先开放时间由晚上 11 点到凌晨 2 点,所有购买的货品,包括家俬都不设送货,全部要半夜三更想办法自己运走,有私家车就话可以自己走啫,但无车又或者买左大件家俬嘅又点算呢?

另外,明晚虽然係 11 点先开始,但唔好谂住早 D 入到去就无问题,事关 Ikea 係明晚 10:30会先清场,大家还是找好人龙乖乖地排队等入场好了。

咁听晚 Ikea 有乜好货?据 Ikea 官方网站上 Facebook 所讲,大量精选绝版货品(仓底货?)会用一折发售,门市家饰同食品都有 85 折,而且餐厅都会开到 1am,瞓唔着走去消夜食个肉丸都几好啊(不过讲明无热狗食)。

咁买左货又点算呢?明晚「深宵疯狂购物夜」卖出的货品不设送货、不设退货、不设订货或留货,总之就係买左嘢要即时拎走!咁有车既可以去有泊车优惠,无车既惟有自己 call 车啦。半夜有无货 van 做生意?有!GoGoVan 同 Uber 都会有车 Stand-by,其中 Uber 刚刚宣布明晚 11pm-3am 由 MegaBox 开始行程既 Uber Van,首 $200 都会免收,如果唔係要去到屯门、上水,基本上都够搭啦。

Call Uber Van 你唔一定要係 Ikea 买过野,总之 call 车係由 MegaBox 开车就得。但如果你 call 左又取消行程,先至会收 $20 手续费。

当然,如果明晚好多人,唔够车係必然现象,究竟听晚会有几多司机肯半夜开工?个四个钟可以走到几多转车?走得远又未必会空车返九龙湾走多转,问过相熟既 Uber 司机都话不如瞓多阵好过。

都係一句,祝好运! 

上一篇:
下一篇: